عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة
قال والله انا كنت متأكد انهم في الهيصة دي هينسو حد
************************* ************
نساء العالم اتحدن وقررن انهم مش هيعملوا أي حاجة من واجبات البيت.... وبعد اسبوع اتقابلوا عشان يعرفوا النتايج
الزوجة الفرنسية: انا قلت لجوزي ميشيل انا مش هعمل حاجة في البيت الاسبوع ده كله... وقالت أول يوم ما شفتش حاجة وتاني يوم ما شفتش حاجة... وتالت يوم بدأ يغسل ويمسح وقالي انتي بتتعبي خالص يا مراتي يا حبيبتي
الزوجة الانجليزية: انا قلت لجوزي انا مش هعمل حاجة خالص في البيت الاسبوع ده... اول يوم ما شفتش حاجة... تاني يوم بدأ يعمل الأكل... تالت يوم غداني وعشاني برة
الزوجة المصرية: انا قلت لابو العيال انا مش هعمل حاجة في البيت الاسبوع ده... اول يوم ما شفتش حاجة... تاني يوم ما شفتش حاجة... ثالت يوم ابتديت أشوف شوية بعيني الشمال
************************* ************************* ***
واحد بيقول لمراته.... انا النهاردة عايز رومانسية في البيت... راحت سألت مامتها: يعني ايه رومانسية؟؟ قالتلها: والله مش عارفة بس احتياطي انقعي الرز
************************* ************************
واحد بيقول لصاحبه انت عارف في عيد جوازي الاول اخدت مراتي في رحلة لليابان... قاله يااااااااه... امال في عيد جوازك العشرين بقي هتعمل ايه... قاله هروح اجيبها من اليابان
************************* ************************
مرة واحدة صحت من النوم الفجر ملقتش جوزها جنبها.. لبست الروب وقعدت تدور عليه لقته قاعد في المطبخ وحاطط فنجان قهوة قدامه ومستغرق في التفكير
لاحظت دموع نازلة من عنيه.. سألته ايه الموضوع؟؟ قاعد لوحدك ليه في نص الليل؟؟؟
قالها: فاكرة لما اتواعدنا من عشرين سنة؟؟؟
قالتله: آه فاكرة
قالها: فاكرة لما شافنا أبوكي واحنا في العربية؟؟؟
قالتله: آه فاكرة
قالها: فاكرة لما حط مسدسه في وشي وقالي يا تتجوزها يا اسجنك عشرين سنة؟؟؟
قالتله: آه فاكرة
نزلت الدموع من عينه وقالها: لو كنت دخلت السجن كنت خرجت النهاردة
************************* ************************
الجمعة سبتمبر 19, 2008 10:53 pm
